Манчестер јунајтед одигра 2:2 против Нотингем Форест, а менаџерот Рубен Аморим по натпреварот изрази задоволство од настапот и напредокот на тимот.
– Мислам дека ова е добар резултат во споредба со неодамнешното минато. Имавме пет минути кога бевме надвор од игра, но ги контролиравме емоциите и продолживме да играме, изјави Аморим.
Тој додаде дека тимот бил малку уморен, што влијаело на интензитетот на играта, но нагласи дека момците покажале карактер. „Имавме одлична можност на крајот, но ни недостигаше среќа. Играме сè подобро и подобро, но сè уште имаме многу работа“, рече португалскиот стратег.
Со ова реми, Јунајтед го продолжува својот процес на стабилизација под водство на Аморим, кој смета дека тимот оди во вистинска насока и дека наскоро ќе ја покаже посакуваната конзистентност и енергија.