Вториот тенисер во светот Карлос Алкараз истакнува дека не би имал ништо против оваа сезона да игра и да бележи резултати како во 2023 година кога го освои Вимблдон. Се осврна и на потенцијалното финале со Новак Ѓоковиќ.
Алкараз реши да не игра ниту еден официјален турнир пред Австралија Опен.
-Овде имав два тренинга (со Де Миноро и Руд), тоа беше добра подготовка, а пред речиси полни трибини беше посебно. Минатата година го пропуштив турнирот, тоа ја прави возбудата уште поголема, започна Алкараз и додаде:
-Ја завршив сезоната многу доцна. Повеќе сакав да се одморам, да го опоравам и телото и умот. Одработив многу добри подготовки, во консултација со тимот решив дека ми требаат четири-пет недели подготовка, па едноставно немаше време за турнир. Мислам дека сум играч на кој не му требаат толку многу натпревари пред голем турнир, мислам дека сум подготвен“.
Алкараз зборуваше за конкретни цели, но јасно е дека има високи амбиции.
-Среќен сум поради оваа година, се надевам дека ќе биде добра како 2023. Одлично се подготвив, морам да се подобрам во некои работи кои не ги направив добро минатата година. За да се подобриме и на теренот и надвор од него, секој може да биде подобар, јас не сум совршен, никој не е. Целта е да се освои уште еден Грен слем, не би имал ништо против тоа да го направам повторно во 2023 година“.
Карлитос доби и прашање за евентуално финале со Новак Ѓоковиќ, кое се уште е доста далеку.
-Тоа е дополнителна мотивација за мене, настапот на Новак овде. Секогаш сакам да играм против најдобрите, да видам каде сум – играњето против Новак на место каде што е речиси непобедлив би било одличен тест. Со нетрпение очекувам да стигнам до финалето и се надевам дека ќе играм против него“.