Македонскиот кошаркарски клуб ТФТ денеска и официјално потврди дека и следната сезона ќе биде дел од АБА 2 лигата.
Еден од најмладите македонско кошаркарски клубови минатата сезона имаше одличен настап во второто по ранг јадранско натпреварување каде за малку му избега и историски пласман во елитното натпреварување во регионот.
ТФТ стигна до финалето каде беше поразен од Широки Бријег, а потоа не успеа ни во баражот против Борац Чачак.
Клубот од скопската населба Тафталиџе се заблагодари на АБА за повикот и вети дека со големи амбиции влегува во новата сезона од натпреварувањето.
