Селекторот на Франција, Дидие Дешамп, реши да ги прекине сите шпекулации кои кружат околу неговата иднина и можен нов ангажман. Искусниот стратег јасно порача дека нема добиено понуда ниту од Јувентус, ниту од репрезентацијата на Бразил, и дека целосно е посветен на својата работа со „триколорите“.
-Не сум добил никакви понуди од Бразил, ниту пак има нешто со Јувентус. Моето место е тука, со Франција, изјави Дешамп за француските медиуми.
Во последните недели, дел од италијанските и бразилските новинари тврдеа дека Дешамп би можел да биде наследник на Тите на клупата на Бразил, или пак да се врати во Јувентус, клуб во кој имаше успешен период како тренер во сезоната 2006/07.
Францускиот селектор, кој со националниот тим освои Светско првенство во 2018 година и стигна до финале во Катар во 2022, нагласи дека неговиот фокус останува на подготовките за следните квалификации и Европското првенство.
„Имам договор до 2026 година и имаме уште многу работа. Луѓето можат да зборуваат што сакаат, но мојата реалност е Франција,“ додаде Дешамп.
Со оваа изјава, тој практично ги затвори сите шпекулации околу можен трансфер на неговата тренерска кариера, барем до завршување на актуелниот договор.
