Њукасл го совлада Арсенал како гостин со 2:0 во првиот натпревар од полуфиналето на англискиот Лига куп.
„Топчиите“ имаа многу поголем посед на топката, повеќе удари кон голот, но „Страчките“ на крајот победија и дојдоа на чекор до пласман во финалето.
Микаел Артета имаше интересна теорија зошто Арсенал доживеа пораз.
„Многу пати шутнавме над голот, а причината за тоа е топката. Има огромна разлика меѓу онаа со која тие играат во Премиер лигата и онаа со која игравме во Купот. Против Њукасл топката леташе многу, беше тешко да се контролира“, изјави Артета.
Реваншот е закажан за 5 февруари, а ќе видиме дали шпанскиот стручњак ќе побара да игра со други топки.