Реал Мадрид го купи младиот стопер, Ламин Фати (18) од Леганес кој ќе пристигне во клубот на почетокот од јануарскиот преоден рок, во трансфер вреден 120.000 евра!
Фати ќе биде префрлен во третата екипа на Реал за да стекнува искуство. „Марка“ пишува дека во зависност од настапите и од ситуацијата во клубот играчот би можел да добие посериозна шанса.
Левоногиот стопер се издвојува по физичката сила. Неговата мајка е од Ангола, а татко му од Гвинеја-Бисао. Фати има шпански пасош, а и Валенсија го следеше подолго време.
Реал го смета Фати за талент кој допрва треба да се докажува играјќи за Ц или Б тимот. Постои можност клубот да реагира и да доведе поискусен стопер во јануарскиот преоден рок поради многубројните повреди.