Брентфорд ја прифатил понудата од 40 милиони фунти за Иван Тони (28), од саудискиот про-лигашки клуб Ал-Ахли. Извори блиски до англискиот напаѓач велат дека веруваат оти договорот ќе се реализира и Тони ќе го комплетира трансферот.
Тони нема играно за Брентфорд сезонава, а менаџерот Томас Френк нема да смета на него и за утрешниот натпревар против Саутемптон. „Пчелите“ ја одбија понудата на Ал-Ахли од 35 милиони фунти пред почетокот на сезоната.
Саудискиот преоден рок не се затвора до 2 септември, па трансферот на Тони не мора да биде завршен до крајниот рок во Премиер лигата, во петок на полноќ.
Тони во Саудиска Арабија и би им се придружил на ѕвездите од калиброт на Кристијано Роналдо, на Карим Бензема и на Нејмар.
Тој постигна 72 гола на 141 натпревар за Брентфорд откако дојде од Питерборо во 2020 година. Во Премиер лигата на 85 натпревари даде 36 гола и имеше 11 асистенции .