Дефанзивецот на Арсенал, Јуриен Тимбер, верува дека неговиот тим добива на интензитет во битката за првата титула во Премиер лигата по две децении.
„Топчиите“ ја намалија предноста на Ливерпул на врвот на табелата на седум бода, откако го искористија нерешениот резултат од 3-3 на ривалите против Њукасл и обезбедија победа од 2-0 над Манчестер Јунајтед на „Емирати“ стадионот.
Тимбер, кој го постигна својот првгол за Арсенал во импресивната победа против Јунајтед, ја посочи добрата атмосфера во тимот како главен фактор за успесите.
– Луѓето кажуваат работи овие денови, но ние само треба да се фокусираме на себе бидејќи знаеме колку е долга сезоната. Секој натпревар може да се добие и мислам дека добиваме импулс. Играме навистина добри натпревари, а оној против Јунајтед не беше лесен, но сепак ги освоивме трите бода, кои ни даваат самодоверба за следните натпревари, рече Тимбер.