Фудбалерите на Атлетико Мадрид ја совладаа Осасуна со 1:0 во 19.коло, во Примера. Со овој триумф, Атлетико првиот дел од сезоната го заврши на првото место со 44 бода, еден повеќе од Реал и шест од Барселона.
Атлетико на „Симеонеовски начин“ ја совлада Осасуна. За Атлетико ова беше 14. победа по ред во сите натпреварувања.
Гостите беа рамноправни на теренот и во поседот на топката, но не успеаја да созадата ниту една шанса за гол. Во првиот дел, опасен удар упати Торо, но Облак Одбрани.
Од друга страна Атлетико во првиот дел имаше три добри шанси, сите за Хулијан Алварез, а голот на Гризман во седмата минута го поништи ВАР.
Решавачкиот момент се случи во 55.минута, кога фудбалерите на Атлетико ги изиграа противниците, Алварез остана сам во петерецот и не му беше тешко да погоди.