Тренерот на лондонски Арсенал, Микел Артета ги сподели емоциите од победата на гости кај Тотенхем во натпреварот од 35. коло на англиската Премиер лига. Средбата заврши со резултат 3:2 во корист на неговата екипа.
„Тешко е да се игра овде. Неверојатна атмосфера и одличен противник. Бевме супер ефективни во првото полувреме, бевме многу добро организирани.
Второто полувреме го започнавме одлично, целосно ја контролиравме играта и можевме да постигнеме и четврти гол. Потоа следуваше индивидуална грешка и веднаш играта се смени во корист на противникот. Отсега мора да ја контролираме играта и да имаме малку среќа. Вториот гол го примивме, повторно поради грешка која не е многу честа. За да освоите нешто големо, треба да поминете низ овие моменти. Среќни сме затоа што ова е ден со кој треба да се гордееме. Ден кој многу им значи на нашите навивачи. Се надевам дека ќе уживаат во прекрасна вечер“, изјави Артета за „Скај Спортс“.