Новак Ѓоковиќ го дозна својот пат на Мастерсот во Мајами, САД, каде ќе стартува во второто коло, со оглед на тоа дека во првото е слободе. Српскиот тенисер на стартот ќе се соочи со победникот од мечот меѓу Хамад Меѓедовиќ и Ринки Хиџиката.
Во случај на триумф, проектиран ривал на Ѓоковиќ во третото коло е талентираниот Американец Алекс Микелсен, додека во осминафиналето му претстои потенцијален дуел со Лоренцо Музети или Феликс Оже-Алијасим.
Во четвртфиналето Србинот би можел да игра против Данил Медведев, во полуфиналето со Карлос Алкараз, а во финалето со Александар Зверев.
Во ждрепката на Ѓоковиќ се и Стефанос Циципас, Григор Димитров, Ник Кирјос, Карен Хачанов, Јиржи Лехечка и Франциско Серундоло, што дополнително ја засилува конкуренцијата.
Алкараз ќе го започне турнирот против победникот од мечот Александар Вукиќ – Давид Гофан. Зверев ќе игра против подобриот од Бензаман Бонзи и еден од квалификантите, додека Медведев стартува во второто коло против Артур Риндернек или Жауме Мунар.