Мохамед Салах најави шокантно заминување од Ливерпул на крајот од сезоната. Тоа уследи само ден откако тој постигна два гола на мечот против Саутемптон на гости (3:2) за зголемување на водството на Ливерпул на табелата со плус осум бода пред Манчестер сити.
Лидерот во Премиер лигата го искористи поразот на Сити од Тотенхем (0:4) и успеа да го совлада Саутемптон со двата гола на Египјанецот, во 65 и 83 минута, за целосен пресврт на натпреварот.
Салах си ја заврши работата, а по мечот се огласи со порака до клубот. Него договорот со „црвените“ му истекува на крајот од сезоната, а како што кажува, никој не го удостоил со разговар за продолжување на соработката.
– Поблиску сум до заминување отколку до останување во Ливерпул, истакна Египјанецот на почетокот на разговорот со англиските медиуми, додавајќи дека е разочаран бидејќи досега не добил никаква понуда.
Нема наскоро да се пензионирам, само ќе играм, фокусиран сум на сезоната и се обидувам да ја освојам Премиер лига (ПЛ), и се надевам Лигата на шампиони (ЛШ). Разочаран сум, но ќе видиме, изјави Салах.
Салах се врати во Англија во 2017 година, кога го смени дресот на Рома за тој на Ливерпул, и оттогаш постигна 223 гола на 367 натпревари. Тој тримфира во ЛШ 2019 и во ПЛ 2020 година.
– Знаете, јас сум тука толку многу години, нема клуб како овој. Ги сакам навивачите, тие ме сакаат мене. Но на крајот, ништо не е во мои раце или во рацете на навивачите. Останува да почекаме и да видиме што ќе биде, изјави Салах.
🚨⤵️ Mo Salah speaking to @NBCSportsSoccer. pic.twitter.com/eXOST6n0uO
— Fabrizio Romano (@FabrizioRomano) November 25, 2024