Рома го отпушти Де Роси

Даниеле Де Роси повеќе не е тренер на фудбалерите на Рома. На легендарниот фудбалер му пресудија лошите резултати во Серија А од почетокот на сезоната. По четири кола во Серија А, Рома освои само три бода и се наоѓа на 16. место на табелата.

Де Роси на клупата на Рома седна во јануари годинава, кога го наследи Жозе Мурињо и успеа да ја одведе Рома до шестото место. Во последните две кола ја испушти шансата да избори место во Лигата на шампионите, но остана поради напредокот на тимот.

Во краткото соопштение за медиумите, Рома истакна дека одлуката е донесена во интерес на тимот.

Де Роси е легенда на Рома, за клубот одигра 616 натпревари во периодот од 2002 до 2019 година.

Медиумите шпекулираат дека на местото на Де Роси ќе дојде поранешниот тренер на Милан, Стефано Пиоли.