Новак Ѓоковиќ стана олимписки шампион, а тоа не можеше да помине без честитка на големи спортски имиња, посебно негови колеги од тенисот.
Скоро сите тенисери кои се уште активни од неговата генерација, му честитаа, а тоа го направи и Рафаел Надал, а доста интересна беше неговата реакција кога му соопштија дека и Шпанецот му честитал.
– Не, не ја видов се уште пораката на Надал, затоа што првите два часа бев со вас, медиумите. Не го ни погледнав телефонот, но им благодарам на сите што ми честитаа, тоа ми значи многу, посебно кога доаѓа честитка од една легенда на тенисот каков што е Рафа Надал, а и мој најголем ривал, порача Новак Ѓоковиќ.
Го прашаа новинарите и дали смета дали Олимпиското злато е потешко од гренд слем трофеите.
– Па тешко е да се одговори на тоа прашање, но факт е дека овој турнир се игра на четири години и по тоа, може да се смета дека е потешко за освојување. Посебно кога ја претставувате својата земја, тоа е голем притисок, се надоврза Ѓоковиќ.