Го нема веќе Килијан Мбапе, како ли ќе изгледа француската Лига 1?! Од порано ги нема Лионел Меси Нејмар, нема многу асови кои ја направија оваа лига интересна и дел од најдобрите пет европски лиги, Премиер лигата, Ла лига, Бундеслигата и Серија А.
Но, како и да е, Французите ќе бидат следени низ цела Европа. ПСЖ и без Мбапе е моќен, тука се Монако, Марсеј, Лион и други клубови кои заслужуваат внимание.
Поранешниот гигант Олимпил Лион потфрли минатата сезона, дури долго време се бореше и за опстанок. Ниту Олимпик Марсеј не се прослави, напротив, почесто беше клуб на потсмев отколку на восхит.
Новата сезона од Лига 1 стартува вечерва (20,45 часот) со натпреварот Авр – ПСЖ, кој ја брани титулата. Се очекува неизвесно првенство, понеизвесно од минатите години бидејќи квалитетот на клубовите е многу поизедначен.