Маратонката од Уганда, Ребека Чептегеи (33) почина од изгорениците откако беше запалена од нејзиниот партнер, објави претседателот на Олимпискиот комитет на Уганда.
– Ја дознавме тажната вест за смртта на нашата олимписка атлетичарка, Ребека Чептегеи по насилниот напад од нејзиното момче. Нека почива нејзината душа во мир. Најостро го осудуваме насилството врз жените, рече Доналд Рукаре во пораката на X.
Чептегеи, кој се натпреваруваше на маратонот на Олимписките игри (ОИ) во Париз, и го освои 44-то место, завршила во болницата во градот Елдорет, во западна Кенија, откако имала „над отсто 80 изгореници на телото“, рекоа лекарите.
– Ова беше кукавички и бесмислен чин што доведе до загуба на голем спортист. Нејзиното наследство ќе живее, додаде Рукаре.
Еден член на болничкиот персонал за агенцијата „Франс прес “ изјави дека нејзината состојба се влошила откако „развила бактериска инфекција“.
Според полицискиот извештај, осомничениот идентификуван како Диксон Ндиема Марангач влегол во имотот на Ребека Чептегеи додека таа била во црква со своите деца.
Кога се вратиле од црквата, тој ја полил со бензин и ја запалил пред децата, две девојчиња на возраст од 9 и 11 години, пишува дневниот весник „Стандард“.