Селекторот на Србија, Светислав Пешиќ, слави бронзен медал со неговите играчи, а по натпреварот во кој освоија прва олимписка бронза, истакна дека тие требало да бидат финалисти, а не Америка.
– Многу силни репрезентации гледавме овде, но дефинитивно, не провоцирам никого, но Србија и Германија заслужија да бидат во финалето, а не да играат за бронза, порача Пешиќ.
– Одлично работа направивме овде во Франција, сите знаат дека имамае талентирана репрезентација, но на крајот не беше воопшто лесно. Германија ја добивме но е една од најдобрите репрезентации на големите турнири, се надоврза Пешиќ.
Како за потсетување, Србија водеше скоро цел натпревар против Америка, но на крајот успеа некако тоа да го прокоцка.