Најдобрите македонски судии, Славе Николов и Ѓорги Начевски ќе ја делат правдата на ракометниот дерби меч Еурофарм Пелистер – Вардар што ќе се игра в сабота (18 часот) во преполната сала „Боро Чурлевски“ во Битола
За тој натпревар владее големо интересирање за што сведочи и податокот дека сите билети во рекорден рок беа распродадени.
Ждрепката одлучи во првото коло од плеј-офот да се сретнат „вечните“ ривали. Вардар во плеј-офот влегува со три бода, колку што има и вицешампионот Алкалод, додека Пелистер има бод помалку.