Поранешниот фудбалер на Челзи, Џон Оби Микел, откри дека Мохамед Салах сè уште се бори со голема емоционална болка поради загубата на Диого Жота, со кого имал исклучително близок однос.
Во својот подкаст „Obi One“, нигерискиот ас зборуваше за моменталната форма на египетската ѕвезда и го посочи човечкиот аспект зад нејзиниот пад во играта.
„Не смееме да заборавиме дека Ливерпул помина низ голема трагедија. Кога ќе изгубиш соиграч со кој си бил како брат, тоа остава белег. Салах беше многу близок со Жота, и мислам дека тоа е причината зошто сега не изгледа исто, не е оној стар Салах што сите го познававме,“ изјави Микел.
Тој додаде дека ваквите моменти често ја погодуваат атмосферата во тимот, бидејќи фудбалерите минуваат повеќе време заедно отколку со своите семејства. „Таквите врски се многу длабоки, и кога ќе се случи ваква загуба, сите ја чувствуваат,“ вели Микел.
Ливерпул сезонава има променливи резултати, а многумина сметаат дека емоционалниот удар по смртта на Жота оставил трага не само врз Салах, туку и врз целата соблекувална.
МОЖЕБИ ЌЕ ВЕ ИНТЕРЕСИРА:
