Селекторот на фудбалската репрезентација на Белгија, Доменико Тедеско, потврди дека првиот напаѓач, Ромелу Лукаку, ќе игра на денешниот пријателски меч со Англија на легендарниот стадион „Вембли“.
Корпулентниот голгетер поради повреда мораше да го прескокне пријателскиот натпревар со Република Ирска, но потоа тренираше со соиграчите. Лукаку има одиграно 113 средби за „ѓаволите“ со ефект од 83 голa.