Фудбалска репрезентација на Македонија (до 21 година) на почетокот од јуни ќе одигра два контролни натпревара на гости против соодветните селекции на Полска и на Босна и Херцеговина.
Првиот дуел против Полска, Македонија ќе го одигра на 1 јуни, во Радом, а четири дена подоцна во Коњиц е мечот со БиХ.
Селекторот на младата македонска селекција, Драган Канатларовски, за претстојните мечеви се одлучи да ги повика следните фудбалери:
Голмани: Марко Алчевски (А.П. Брера), Стефан Тасев (Вардар Неготино), Љупче Џеков (Силекс)
Одбрана: Методи Максимов (Алесунд), Стефан Деспотовски (Работнички), Решат Рамадани (Шкендија), Имран Фетаи (Тиквеш), Андреј Стојчевски (Жилина), Давор Серафимов (Шкупи), Ѓорѓе Џеков (Силекс).
Среден ред: Иван Николов (Сондеријске), Ардијан Цилафи (Сампдорија), Хамза Рамани (Шкупи), Лука Станковски (Тузласпор), Алекс Златков (Македонија Ѓ.П.), Димитар Тодоровски (Работнички), Адријан Зенделовски (Сковде), Леонид Игњатов (Силекс), Ване Крстевски (Шкендија), Мартин Ѓеоргиевски (А.П. Брера), Бехар Фета (Марибор)
Напад: Марио Илиевски (Кишварада), Фитон Адеми (Шкендија), Филип Трпчевски (Устикен)