Тренерот на Барселона, Ханси Флик, остро реагираше на шпекулациите дека претседателот Џоан Лапорта се обидел да влијае врз неговите одлуки за составот на тимот. Повод за оваа приказна се шпекулациите дека Лапорта наводно барал младиот талент Ламин Јамал да се врати во стартниот тим на мечот со ПСЖ
-Гласините за Ламине се целосно ѓубре. Ниту Деко, ниту кој било друг во клубот некогаш ми побарал нешто такво. Ако некој го кажал тоа – лаже, изјави Флик на прес-конференција пред дербито со Џирона.
Германецот објасни дека неговите одлуки се засноваат единствено на спортски аргументи и моменталната состојба на играчите. Тој нагласи дека има целосна доверба од раководството и дека нема никакви тајни договори зад сцената.
Претседателот Лапорта, исто така, јавно го поддржа својот тренер, наведувајќи дека Флик „вистински ја кажал вистината“ и дека ужива целосна поддршка. Каталонските медиуми пренесуваат дека во клубот владее стабилна атмосфера, иако шпекулациите се користат за создавање внатрешни тензии.
Некои извори тврдат дека овие гласини можеби имаат политичка или изборна позадина, со цел да се наруши стабилноста во клубот. Засега, нема конкретни докази дека некој од управата навистина се вмешал во одлуките на тренерот.
Барселона викендов ќе го одигра дербито против Џирона, а вниманието на јавноста ќе биде насочено кон реакцијата на тимот по медиумската бура.
МОЖЕБИ ЌЕ ВЕ ИНТЕРЕСИРА:
