Тренерот на Атлетико Мадрид, Диего „Чоло“ Симеоне, со една изјава повторно ја разбуди фудбалската јавност, откако призна дека во иднина би можел да се види на клупата на италијанскиот гигант – Интер.
Пред дуелот меѓу Атлетико и Интер во европските натпреварувања, аргентинскиот стратег доби директно прашање дали би можел некогаш да стане тренер на „нероазурите“, а неговиот одговор беше искрен и без двоумење:
„Не знам што ќе донесе иднината… Но да, можам да се замислам како тренер на Интер“, изјави Симеоне.
Овие зборови веднаш ги подгреаја шпекулациите во Италија и Шпанија, иако Симеоне и понатаму е цврсто врзан со Атлетико Мадрид, каде што веќе повеќе од една деценија е симбол на клубот и неговата борбена филозофија.
Дополнителна тежина на оваа изјава ѝ дава и фактот дека Симеоне има минато во Интер како фудбалер. Тој го носеше дресот на миланскиот клуб во периодот од 1997 до 1999 година, кога со „нероазурите“ освои и Куп на УЕФА.
Иако моментално нема конкретни најави за заминување од Атлетико, јасно е дека Интер сè уште има посебно место во срцето на Симеоне, а ваквата изјава остава простор за можни големи тренерски промени во иднина.
МОЖЕБИ ЌЕ ВЕ ИНТЕРЕСИРА:
