Бразилската фудбалска конфедерација (ЦБФ) потврди дека Доривал Жуниор ќе биде новиот селектор на репрезентацијата. Жуниор ќе го замени Фернандо Диниз, кој беше отпуштен минатата недела поради лошите резултати и политичката криза во бразилското фудерација.
Ангажирањето на новиот селектор на Бразил беше одложено поради смртта на еден од великаните, Марио Загало.
Жуниор (61) е тренер повеќе од две децении, но најголемите триумфи ги забележа неодамна. Тој ја освои титулата во Копа Либертадорес со Фламенго во 2022 година, а минатата година го предводеше Сао Паоло до првиот трофеј во Купот на Бразил.
Првите предизвици на Жуниор со Бразил ќе бидат во март, на пријателските натпревари против Англија и Шпанија.
Бразил по шест кола е на шестата позиција со седум бода во јужноамариканските квалификации за Светското првенство (СП) 2026-та. Најдобрите шест репрезентации ќе се квалификуваат директно на СП што ќе се игра во САД, Мексико и Канада.