Здружението на тениски професионалци (АТП), објави дека почнувајќи од 15 јули, ќе им овозможи на играчите да носат сензори за прибирање физички податоци од мечевите за подобро „да ги анализира перформансите и да спречува повреди“.
– Сензорите ќе генерираат најнови информации за играчите од физичките мерења, како што се податоците за отчукувањата на срцето и за оптоварувањата со висок интензитет, подобрувајќи ја нивната анализа од натпреварите и од тренинзите“, објаснува АТП во соопштението за медиумите.
АТП одобри два производитела на сензори, СтатСпортс и Катапулт (STATSports и Catapult) и ќе ги централизира податоците на својата платформа „АТП Тенис“ (ATP Tennis IQ) лансирана во 2023 година.
Со тоа на играчите ќе им се обезбеди увид во сите статистички податови поврзани со нивните натпревари. Од AТП уверуваат дека податоците собрани од сензорите „ќе останат доверливи“.
Овие сензори ќе почнат да се користат еден ден по завршувањето на Вимблдон (од 1 до 14 јули) на турнирите во Хамбург, Њупорт, Гштад и Баштад.