Според информациите на француски „Л’Екип“, Ливерпул сериозно ја разгледува можноста да испрати понуда за фудбалерот на Барселона, но за неговите услуги се заинтересирани Пари Сен Жермен.
Неговиот договор со каталонскиот клуб истекува следното лето, а раководството планираше да го продаде за да оствари финансиски приход наместо да ризикува да го загуби без обештетување.
Според информациите од Шпанија, во следниот период е планирана средба меѓу раководството на Барселона, Торес и неговите претставници.
На неа клубот ќе му понуди нов договор, со што автоматски би се зголемила и неговата трансферна вредност.
Сепак, официјалното активирање на новиот договор би било можно дури во септември поради ограничувањата поврзани со платниот фонд на клубот.