Атлетико Мадрид имаше саркастичен коментар за Барселона на својот официјален профил на социјалната мрежа „X“. Тие објавија три иронични предлози за трансфер за Ламин Јамал, Педри Гонзалез и Рафиња, како одговор на интересот на каталонскиот клуб за Хулијан Алварез и наводната понуда што Атлетико негира дека некогаш ја добил.
Сериозна позадина на хумористичните објави
Иако пораките беа напишани со опуштен и хумористичен тон, тие се навистина сериозни.
„Можеби изгледа како шега или дека сè е со хумористичен тон, но ова е многу сериозно. Веќе некое време сме многу лути на Барселона. Се однесувавме иронично за да му покажеме на каталонскиот клуб какви методи користат“, објави клубот.
„Постојат пораки од Фабрицио Романо, статии од медиумите што го следат клубот (Барселона), па сè до фактот дека нашиот претседател Серезо на ручек во Барселона го бомбардираа со прашања дали ќе преговара со Џоан Лапорта за Хулијан“, објаснија извори од Атлетико за „Мундо Депортиво“.
За да ја илустрираат оваа, како што велат, „кампања за создавање интерес“, тие посочуваат на конкретен пример.
„Во Барселона е организирана вечера и медиумите се информирани да дојдат и да снимаат, за да видат дека Хуанма Лопез, менаџерот на Хулијан и наводен посредник, го напушта ресторанот“, објаснуваат тие. „Информациите се објавени во јавноста за понудата за која тврдат дека е испратена, но ништо не стигнало тука во Атлетико“, инсистира мадридскиот клуб.
Обвинувања за неколкумесечна дестабилизација
Од стадионот „Метрополитано“, ја обвинуваат Барселона дека „ги дестабилизира со месеци“ со оваа тема. „Доста е сега. Многу сме лути и ова беше наш начин да го покажеме тоа“, објаснуваат од Атлетико за „Мундо Депортиво“.
Во Атлетико, се сеќаваат на поканите пред двојниот тест во Кралскиот куп и Лигата на шампионите како еден од факторите што длабоко ги вознемирувале.
Во еден момент, во сличен случај со Антоан Гризман, за кого се преговараше додека имаше важечки договор, од Атлетико се заканија дека ќе ја тужат барселона во УЕФА.
Во овој случај, со Хулијан, кој исто така има договор до 2030 година, велат дека во клубот се многу мирни. Нема споменување за тужба или закана, но е потврдено дека ставот е категоричен.
„Она што е јасно е дека Атлетико ги држи сите конци во свои раце. Играчот е заштитен со клаузула од 500 милиони евра и има долгорочен договор до 2030 година“, објаснуваат тие.
Алварез чини 500 милиони во готово
Клубот инсистира: „Атлетико е воодушевен од него, има долгорочен договор и сметаме на него за следната сезона“.
Во моментов, тие не размислуваат за продажба на Алварез, но јасно порачаа дека повеќе нема да толерираат вакви потези поврзани со нивниот играч.
Ако порано се шпекулираше за сума од околу 150 милиони евра, сега извори од клубот ја презентираат суровата реалност.
„Хулијан не може да се доведе за фиксна сума што би се плаќала по сезона и со бонуси. Потребно е да се платат 500 милиони евра во готово на седиштето на Ла Лига“, тврдат тие.
За Атлетико, улогата на менаџерот на играчот, Фернандо Идалго, во целата приказна не е изненадувачка.
„Доколку Барселона го стореше тоа правилно, менаџерот немаше да има никаква улога. Но, ако го заобиколите клубот, тогаш не ги правите работите правилно. Менаџерите заработуваат за живот од тоа. Тоа е нормално, тоа е нивна работа. Проблемот е Барселона“, заклучија од Атлетико за „Мундо Депортиво“.
