Двете најголеми американски кошаркарски ѕвезди, Леброн Џејмс и Стеф Кари, официјално потврдија дека нема да настапат на Олимписките игри во Лос Анџелес во 2028 година.
Леброн, кој ќе има 43 години на следните Игри, изјави дека донел конечна одлука да не се враќа во репрезентацијата и дека ќе ги следи олимписките натпревари само како гледач. Сличен став има и Стеф Кари, кој истакна дека „многу се сомнева“ дека повторно ќе игра за националниот тим, иако не ја исклучи можноста 100%.
Отсуството на двете легенди значи дека САД ќе мора да состават нова, подмладена екипа за домашниот олимписки турнир, што носи дополнителни предизвици за селекторот и федерацијата.
Американската јавност очекуваше дека Леброн и Кари ќе имаат „последен танц“ пред домашната публика, но нивната одлука ја затвора вратата за уште едно заедничко олимписко поглавје.
