Британскиот весник Гардијан објави сензационална информација дека Барселона подготвува понуда за ангажман на англискиот голгетер Хари Кејн. Каталонскиот клуб, наводно, е подготвен да ја активира откупната клаузула од околу 65 милиони евра за напаѓачот на Баерн Минхен.
Кејн минатото лето се пресели во Минхен од Тотенхем за сума од речиси 100 милиони евра, а со германскиот шампион има договор до 2027 година. Сепак, според информациите од Англија, Барса го гледа токму Кејн како идеален наследник на Роберт Левандовски и е подготвена да направи сериозен обид за негов ангажман веќе во наредниот летен преоден рок.
Доколку се реализира овој трансфер, тоа би било една од најголемите зделки во последните години, со оглед на тоа што Кејн и понатаму важи за еден од најдобрите напаѓачи во светскиот фудбал.