Ноќ полна со возбудливи настани се случи во НБА лигата. Мемфис гризлис го поставија сезонскиот рекорд според постигнати поени во еден натпревар во победата над Торонто репторс, 155:126.
Дури осум играчи постигнаа двоцифрен број поени за Мемфис, а најефикасни беа Зек Еди и Џерен Џексон јуниор со по 21 кош. Торонто го предводеше Р.Џ.Барет со 27 поени, 10 скока и девет асистенции.
Атланта хокс направи огромен пресврт, совладувајќи го Чикаго булс со 141:133. Хокс веќе во првата четвртина имаа двоцифрена негатива, која кон крајот на третата четвртина изнесуваше -21, но во последната четвртина постигнаа неверојатни 50 поени и го свртеа резултатот.
За тоа најзаслужен беше Џејлен Џонсон со 30 поени и 15 скока, додека Треј Јанг даде 27 поени, плус 13 асистенции. Зак Лавин постигна 37 поени со седум асистенции и пет скока за Булс.
Голем број на натпревари се решаваа со мала разлика, па синоќа беа погодени дури четири „гејм-винери“, односно кошеви за победа во последните секунди.
Најспектакуларни беа поените на играчот на Детроит, Џејден Ајви, кој постигна тројка со прекршок на три секунди до крајот, а потоа погоди и слободно фрлање за победа на Пистонс над Сакраменто кингс од 114:113. Кејд Канингем постигна 33 поени и 10 асистенции за Детроит, а ДеАрон Фокс 26 коша за Сакраменто.
🚨 JADEN IVEY WINS THE GAME ON A FOUR-POINT PLAY 🤯 pic.twitter.com/xzm5p9eKoQ
— NBA TV (@NBATV) December 27, 2024
Тајлер Херо им донесе победа на Мајами хит над Орландо меџик со 89:88 со двата поена на половина секунда до крајот на натпреварот. Со 20 поени тој беше и најистакнатиот поединец на Хит, додека кај Орландо, Џејлен Сугс постигна 29.
TYLER HERRO HITS THE GAME WINNER 😱 pic.twitter.com/J88Lm6lOfj
— NBA TV (@NBATV) December 27, 2024
Прецизен беше и Скут Хендерсон на десетинка од секундата пред крајот на натпреварот, за славје на Портланд трејлблејзерс над Јута џез, 122:120. Кај Портланд одличен беше Дени Авдија со 27 поени, осум скока и шест асистенции, а Шедон Шарп постигна 27. Лаури Марканен имаше 25 за џезерите.
SCOOT HENDERSON GAME WINNER. 🔥🔥🔥
— Hoop Central (@TheHoopCentral) December 27, 2024
Џордан Пул постигна тројка за победа на Вашингтон визардс над Шарлот хорнетс со 113:110. Тој натпреварот го заврши со 25 поени и шест скока. Ламело Бол имаше 31 поен за Хорнетс со шест асистенции и скока.
Jordan Poole Tonight vs Hornets:
25 Points
6 Rebounds
3 Assists
3 Stocks
5 Threes
GAME WINNERPOOLE IS AN ALL-STARpic.twitter.com/y83tZ6QZnt
— WizardsMuse (@WizardsMuse1) December 27, 2024
Вреди да се истакне и деветтата последователна победа на Оклахома Сити тандер, на гости над Индијана пејсерс, со 120:114. Оклахома ја предводеше одличниот Шај Гилџес-Александер со 45 поени, осум скока и седум асистенции.
Сите резултати:
Индијана пејсерс – Оклахома Сити тандер 114:120
Орландо меџик – Мајами хит 88:89
Вашингтон визардс – Шарлот хорнетс 113:110
Атланта хокс – Чикаго булс 141:133
Мемфис гризлис – Торонто репторс 155:126
Милвоки бакс – Бруклин нетс 105:111
Њу Орлеанс пеликанс – Хјустон рокетс 111:128
Портланд трејлблејзерс – Јута џез 122:120
Сакраменто кингс – Детроит пистонс 113:114