Фудбалерите на Реал Мадрид го освоија премиерното издание на Интерконтиненталниот куп на ФИФА во Катар. Во финалниот натпревар во Лусаил, актуелниот европски првак ја совлада мексиканската Пачука со 3:0 и освои нов трофеј. Стрелци беа Килијан Мбапе, Родриго и Винициус Жуниор.
Капитенот на хрватската репрезентација Лука Модриќ ги одигра последните 20 минути и на крајот го крена победничкиот пехар. За него тоа беше втор трофеј како капитен на Реал Мадрид, по првиот во август годинава во победата од 2:0 против Аталанта во Суперкупот на УЕФА.
Модриќ (39) сезонава одигра 25 натпревари со минати вкупно 1.111 минути на теренот. Неговиот договор е со важност до крајот на сезоната, а синоќа го освои неверојатниот 28. трофеј во дресот на „кралевите“.
Во 122- годишната богата историја на клубот од Мадрид, ниту еден друг фудбалер не освоил повеќе трофеи. Еден помалку има Дани Карвахал, а два помалку Начо кој летово го напушти клубот. Марсело и Карим Бензема имаат по 25 трофеи.
Модриќ има одиграно 559 меча за Реал во сите натпреварувања, постигна 39 гола и имаше 90 асистенции.
По освоените шест трофеи во Динамо Загреб, Модриќ не ниту еден во Англија со Тотенхем. За лондонскиот тим тој одигра 160 натпревари во сите натпреварувања на кои постигна 17 голови и забележа 24 асистенции.
Трофеите на Модриќ со Реал:
Лига на шампиони: 2013/14, 2015/16, 2016/17, 2017/18, 2021/22, 2023/24.
Ла лига: 2016/17, 2019/20, 2021/22, 2023/24
Куп на кралот: 2016/14, 2022/23.
Суперкуп на Шпанија: 2012, 2017, 2020, 2022, 2024 година
Суперкуп на УЕФА: 2014, 2016, 2017, 2022, 2024 година
Светско клупско првенство на ФИФА: 2014, 2016, 2017, 2018, 2022 година
Интерконтинентален куп: 2024 година.