Рио Фердинанд смета дека некој во Челси е луд, што му дозволил на Рахим Стерлинг така лесно да замине на позајмица во ривалот од Лондон, Арсенал.
Некогашниот репрезентативец на Англија и капитен на Манчестер Јунајтед, смета дека Арсенал направиле одличен, маестрален потег со доведувањето на Стерлинг, во кого гледа искусен крилен фудбалер, со кого Арсенал може да има огромна корист сезонава.
– Не знам, каков циркус е ова, Арсенал направи одлична зделка, одлична. Но среќен сум за Стерлинг, кој едноставно го сакаше овој трансфер (позајмица), среќен сум што си ја исполни желбата, тој го сакаше ова.
– Рахим е еден од најискусните фудбалери во лигата, има освоено неколку првенства со најсилните екипи во Премиерлигата, знае како треба на теренот. Ова е одличен бизнис за Арсенал. Добиваат искусен крилен напаѓач кој знае што треба и како треба кога е на терен. Играше за повеќе големи клубови во Англија и има уште што да понуди. Ја знае рутата на трофеите и тоа е фундаментално. Како тоа Челси му ја отвори вратата за излез, не знам навистина, лудо е. Со овој трансфер Арсенал, би рекол, сезонава ќе ја освојат лигата, порача Рио Фердинанд.