Здружение на професионални фудбалери на Англија (ПФА) го објави потесниот избор за најдобар играч во Премиер лигата за 2024 година.
Кандидати за вредното признание се капитенот на Арсенал, Мартин Одегард, напаѓачот на Челси, Кол Палмер, напаѓачот на Астон вила, Оли Воткинс и трите ѕвезди на Манчестер сити, напаѓачите Фил Фоден и Ерлинг Халанд, како и играчот од средниот ред, Родри.
Наградата се доделува од сезоната 1973/74, а победникот се избира со гласање меѓу членовите на синдикатот на играчи и ПФА.
Прв добитник на наградата беше дефанзивецот на Лидс, Норман Хантер, а само Марк Хјуз, Алан Ширер, Тиери Анри, Кристијано Роналдо, Герет Бејл, Кевин Де Брујне и Мохамед Салах ја освоиле по двапати. Минатата година признанието го доби Халанд.