Поранешниот фудбалер на Барселона, Ривалдо, вели дека Каталонците заостануваат квалитативно зад актуелниот шампион на Шпанија, Реал Мадрид.
– Ако Нико Вилијамс оди во Барса, тоа е позитивно. Мислам дека треба да направат уште едно или две засилувања. Ќе видиме што ќе се случи во почетокот на сезоната и во директните натпревари против Реал Мадрид – вели Бразилецот. Ривалдо настапуваше за екипата на Барса од 1997 до 2002 година. Тој одигра 157 средби и постигна 86 голови.