Германскиот интернационалец цел свој живот и кариера ја мина во родната земја, а сега е време за предизвик во странство.
Низ кариерата Матс Хумелс играше само за два германски клуба, Борусија Дортмунд и Баерн Минхен, но сега се шири видикот и тој ќе настапува за Рома од Италија.
Хумелс на зрели години реши да се испроба во странски клуб и реши тоа да биде баш Рома. Тој доаѓа на местото на Крис Смолинг, кој пред неколку дена се збогуваше со клубот.
Матс Хумелс за Рома потпиша како слободен играч, а во клубот ќе го задолжи бројот 15. Тој за репрезентацијата на Германија одигра 78 натпревари, на кои постигна и пет голови.
Пет пати ја има освојувано Бундеслигата, има 442 настапи во ова првенство. Мина 16 сезони во најсилниот ранг во Германија, играше и две финалиња во ЛШ за Дортмунд, а ги загуби и двете, првото против Баерн Минхен 2013, а второто минатата сезона од Реал Мадрид.
Матс Хумелс побарал 6,5 милиони евра за две сезони, на што Рома се согласила по заминувањето на Крис Смолинг, кој оди во Саудиска Арабија.