Српската фудбалска репрезентација го почнува новото издание во Лигата на нации (ЛН) со дуел против актуелниот европски првак Шпанија, за чија сила говори и вредноста на нејзините играчи на фудбалскиот пазар.
Верна на својот прекар, „црвената фурија“ до титулата на Европското првенство (ЕП) во Германија, дојде со седум победи на исто толку натпревари. Пред селекцијата на Луис де ла Фуенте на патот до титулата, по ред паднаа Хрватска, Албанија, Италија, Грузија, Германија, Франција и Англија.
Во исто време, Шпанците покажаа доминација каква што не беше забележана на континенталните првенства, а тимот што стигна до европскиот трон моментално се проценува на повеќе од една милијарда евра.
Двајца играчи во овој тим вредат повеќе од 100 милиони евра. Тоа се „чудото од дете“ на Барселона, Ламин Јамал чија пазарна вредност според интернет страницата Трансфермаркт изнесува околу 120 милиони.
Десет милиони е повреден играчот од средниот ред на Манчестер сити, Родри, кој нема да настапи вечерва во Белград, на стадионот „Рајко Митиќ“.
Следен на листата е уште еден играч на Барселона, Педри, чија вредност се проценува на 80 милиони, а цената на крилниот напаѓач, Нико Вилијамс (Атлетико Билбао) е 70 милиони европски банкноти.
Меѓу петте највредни е и новопечениот офанзивец на Барселона, Дани Олмо, кој е проценет на 60 милиони евра.
Топ 10 ги заокружуваат, Микел Ојарзабал од Реал Сосиедад (45 милиони), дефанзивецот на Баер Леверкузен, Алекс Грималдо (45 милиони), стоперот на Астон вила, Пау Торес (45 милиони), Робин Ле Норман од Атлетико Мадрид (40 милиони) и играчот од средниот ред на ПСЖ, Фабијан Руис (35 милиони).
За споредба, вредноста на српската екипа која ќе го почне натпреварувањето во ЛН е помала од 205 милиони евра.