Никола Јокиќ ги предводеше Денвер нагетс до победа над Голден Стејт вориорс од 119:115 со уште една извонредна игра. За Вириорс тоа беше петти последователен пораз откако сезоната ја почнаа со скор од 12:3.
Воедно, тоа беше осма последователна победа за Денвер над Голден Стејт, кои последен пат славеа во сезоната 2021/22 во која беа шампиони.
Јокиќ постигна 38 поени, негов трет најдобар ефект сезонава, шутирајќи 14/24 од поле и 7/9 од слободните фрлања, погоди три од четирите тројки, што дополнително го подобри неговиот неверојатен процент за три поени, што е над 50 насто сезонава.
Покрај тоа, имаше и 10 скока, шест асистенции, пет украдени топки и една блокада. Тоа беше негов трет натпревар во кариерата со најмалку 35 поени, 10 скока, пет асистенции и пет украдени топки или блокади. Само Лери Бирд и Џејмс Харден имаа забележано такво нешто пред него.
Најголема помош имаше од Мајкл Портер јуниор, кој постигна 22 поени со седум скока. Вориорс ги предводеше Стивен Кари со 24 поени, 11 асистенции и седум скока, но со скромни шутеви и само 4/15 тројки.
Натпреварот се играше и за НБА купот, но тоа немаше влијание на исходот на групата бидејќи Вориорс со скор 3:0 обезбедија прво место и пласман во четвртфиналето. Нагетс пак имаа 1:2 пред мечот, и освен победа, требаше да се совпаднат некои други резултати, што не се случи.
Гледајќи ја целата сезона, Денвер има скор 11:8, само една победа помалку од Вориорс, кои паднаа на 12:8, со што паднаа од четвртото на седмото место на Западот.
Резултати:
Кливленд – Вашингтон 118:87
Детроит – Милвоки 107:128
Шарлот – Филаделфија 104:110
Њујорк – Орландо 121:106
Торонто – Индијана 122:111
Оклахома Сити – Јута 133:106
Далас – Мемфис 121:116
Феникс – Сан Антонио 104:93
Денвер – Голден Стејт 119:115
Сакраменто – Хјустон 120:111
ЛА Клиперс – Портланд 127:105