Фудбалската федерација на Србија официјално го потврди назначувањето на Велјко Пауновиќ за нов селектор на националниот тим.
Пауновиќ на оваа позиција го заменува Драган Стојковиќ – Пикси, кој поднесе оставка по серијата слаби резултати и поразот од Албанија во квалификациите за Светското првенство 2026.
Новото име на клупата на Србија е добро познато во фудбалските кругови. Пауновиќ, поранешен репрезентативец, има богато искуство како тренер. Тој беше предводник на младинската репрезентација на Србија која во 2015 година го освои Светското првенство за играчи до 20 години, успех што сè уште се смета за историски за српскиот фудбал.
Во својата кариера, Пауновиќ работеше и во MLS лигата како тренер на Chicago Fire, а подоцна го предводеше и шпанскиот клуб Реал Овиедо. Со назначувањето на 48-годишниот стратег, Фудбалската федерација очекува нова енергија и свеж пристап, особено во подмладувањето на тимот и враќањето на дисциплината и мотивацијата кај играчите.
Во првото обраќање како селектор, Пауновиќ порача дека неговата цел е „Србија повторно да биде горда на својата репрезентација“.
МОЖЕБИ ЌЕ ВЕ ИНТЕРЕСИРА:
