Претседателот на шпанската фудбалска лига, Хавиер Тебас, го обвини денеска Реал Мадрид и неговиот претседател Флорентино Перез за поттикнување тензии во домашниот фудбал.
„Мислам дека тензиите не ги поттикнува Барселона, ниту кој било друг клуб. Реал Мадрид е против сè – против Барселона, против судиите, против апсолутно сè“, рече Тебас во изјава за шпанскиот весник Спорт.
Тебас оцени дека Реал пристапува на несоодветен и погрешен начин и користи штетен наратив.
„Со тоа, тие сугерираат дека секоја моментална судиска грешка е последица на настаните од 2019 или 2017 година. Нивната цел е да ги убедат луѓето дека судиите во моментов се под влијание. Ова е многу опасно бидејќи не е вистина. Овој наратив создава и предизвикува тензии“, предупреди првиот човек на Ла Лига.
ФОТО: ЕПА
МОЖЕБИ ЌЕ ВЕ ИНТЕРЕСИРА:
