Лацио го комплетираше трансферот на левиот бек на Арсенал, Нуно Таварес.
Арсенал од овој трансфер ќе заработи девет милиони евра. Од друга страна, Португалецот потпиша петгодишен договор со Римјаните.
Таварес е продукт на школата на Бенфика, а во 2021 година се пресели во Арсенал. Во првата сезона одигра 22 натпревари и постигна гол. Сепак, подоцна го загуби местото и најпрво замина на позајмица во Олимпик од Марсеј, каде постигна шест гола на 31 натпревар. Минатата сезона беше член на Нотингем Форест за кој одигра само осум натпревари.