Хрватската тенисерка, Дона Векиќ се пласира во четвртфиналето на олимпискиот турнир во Париз со победата над втората светска тенисерка, Американката, Коко Гоф со 7:6, 6:2.
Гоф направи брејк во првиот сет, водеше и со 5:2, но потоа Векиќ ја одбрани сет-топката на 3:5 и и’ го одзеде сервисот на Американката, за 4:5. Во тај-брејкот Векиќ беше подобра, 9:7.
И во вториот сет Американката прва и го одзеде сервисот на Векиќ, но Дона брзо се врати во мечот. По еден спорен поен, Векиќ направи нов брејк и поведе со 4:2.
Гоф протестираше, се расправаше со судијата, дури и заплака, но гемот го доби Векиќ. Во следниот гем, Гоф имаше 40:0, но Дона ги спаси трите брејк топки и поведе со 5:2, потоа направи нов брејк за конечна победа.