Селекторот на Англија, Герет Саутгејт изјави дека е презадоволен по вчерашната победа над Словачка (2:1) по продолженијата.
– Многу сум горд на играчите и на карактерот што го покажаа. Сите момци кои излегоа на теренот ја одиграа својата улога и помогнаа да ја надминеме оваа пречка.
Овие играчи секогаш си помагаат, како што тоа го правеа и сега, тоа ни донесе добар резултат. До крајот на мечот имав чувство дека не е готово. Знам дека сега ова звучи смешно, но ние притискавме и успеавме да победиме, вели Саутгејт.