Милан во С.Арабија успеа да ги победи Јувентус и Интер и да го освои Суперкупот на Италија, но вечерва во првиот меч на Серџо Консеисао на “Сан Сиро“ како тренер, сепак не успеа да се израдува на три бода. Милан – Каљари 1:1 и освоен е само бод што секако дека е разочарување на бројните фанови на гигантот од Милано.
Милан успеа да дојде во водство со голот на Мората во 51.минута, но треба да се каже дека гостите и пред тој гол, но и до крајот на мечот имаа неколку изгледни шанси за гол. Една од тие искористија па така во 55.минута Зортеа стрелаше за 1:1. Ретко кој можеше да претпостави дека токму тој резултат на крајот ќе биде и конечен на оваа средба. Со овој бод Милан е на 8.место на табелата со 28 бода.