РБ Лајпциг ќе се засили со напаѓачот на Милан, Ноа Окафор. Швајцарскиот интернационалец ќе игра за „биковите“ како позајмен. Се` меѓу двата клуба е веќе договорено, Окафор денеска пристигнува во Германија на лекарски прегледи.
Во договорот има и откупна клаузула вредна 25 милиони евра, пишува Фабрицио Романо.
„Росонерите“ ја одбија првата понуда на РБ Лајпциг за Окафор, но ја прифатија втората. Германскиот клуб ќе ја покрие целата плата на Швајцарецот за време на неговата позајмица.
Милан го ангажираше Ноа Окафор во летото 2023 година од Салцбург за 15,5 милиони евра. Сепак, тој не успеа да се наметне во тимот.