Централниот дефанзивец Серхио Рамос би можел да ја продолжи кариерата во Бока Јуниорс, пренесува „ТиК Спортс“.
Според изворот, аргентинскиот клуб ќе се обиде да го ангажира 38-годишниот Шпанец во јануари. Претседателот на Бока Јуниорс, Хуан Рикелме лично ќе има телефонски разговор со Рамос.
Слични шпекулации имаше и на почетокот на ноември, а се чини дека работите сега можеби ќе бидат доведени до крај.
Рамос неодамна се врати накратко во неговиот матичен клуб Севиља, каде што 38-годишниот дефанзивец минатата сезона забележа 37 настапи во сите натпреварувања, постигнувајќи седум гола и даде една асистенција.