Првиот човек на Партизан, Остоја Мијајловиќ, потврди дека голем дел од долговите кои ги имаше овој кошаркарски клуб, се „санирани“ и дека Партизан треба да има добра сезона во Евролигата.
Тимот на Жељко Обрадовиќ претрпе сериозни кадровски проветрувања, беше заменет скоро цел тим и тоа треба допрва да се воигра за тимот да ја докаже својата вистинска вредност на теренот.
Според првиот човек на клубот, целите за новата сезона се четвртфинале во Евролигата и титула во АБА лигата.
– Најважните натпреварувачки амбиции сезонава кон кои се стремиме, ќе бидат четвртфинале во Евролигата и освојување на титулата во регионалното првенство. Финансиската ситуација е конечно стабилна во клубот, долговите се санирани. Сите долгови кои ги затекнавме од 2017 година кон играчи и управа, се покриени, за што ќе зборуваме нешто повеќе, наскоро, порача Остоја Мијајловиќ.