Фудбалерите на Нотингем Форест продолжија со сезоната од соништата и денеска го победија Евертон на гостински терен со 0:2. Во последното коло за 2024 година, Нотингем дојде до петтата победа во низа и со овој триумф го продолжи сонот за пласман во Европа, бидејќи барем привремено скокна на второто место на табелата, иако Арсенал и Челзи допрва ќе ги одиграат своите мечеви од ова коло.
Херој за Форест беше Крис Вуд, кој го постигна првиот, а потоа асистираше за вториот гол.
Како домаќин, Тотенхем ремизираше 2:2 со Вулверхемптон, па големо прашање е дали Анже Постекоглу ќе остане на клупата и во 2025 година. Кристал Палас со пресврт лавеше над Саутемптон предводен од новиот тренер Јуриќ со 2:1, додека Фулам иако двапати водеше, на крајот освои само бод на домашен терен против Борнмут играјќи 2:2.