Атлетико Мадрид постигна целосен договор со Манчестер сити за трансферот на аргентинскиот напаѓач, Хулијан Алварез, објави Атлетик.
Според изворот, износот на трансферот што достигнува 95 милиони евра, со бонуси, ќе биде рекорден за Манчестер сити. Останува сега Алварез да ги договори личните услови со Атлетико за да се заврши договорот.
Минатата сезона 24-годишниот напаѓач настапи на 54 натпревари во сите натпреварувања, на кои постигна 19 голови и имаше 13 асистенции. Тој има договор со Сити до летото 2028 година.
За репрезентацијата на Аргентина, Алварез има одиграно 36 натпревари и постигнато девет гола. Според порталот Трансфермаркт, неговата пазарна вредност е 90 милиони евра.