Македонската женска кошаркарска репрезентација претрпе нов пораз во квалификациите за Евробаскет 2027 откако вечерва загубија од Хрватска со 83:55 (19:17; 25.15; 19:15; 20:8). Ова за македонските кошаркарки е втор пораз во групата откако во претходното коло загубија од Грција, а претходно победија во дуелот со Данска.
Хрватска ја оправда улогата на фаворит во дуелот, додека македонскиот состав беше рамноправен само во првиот период кога во неколку наврати имаше и водство. Противникот пак двоцифрената предност ја оствари во завршницата на првото полувреме.
Во вториот период Хрватска ја покажа својата доминација и на крајот оствари убедлива победа.
Анџелика Митрашиновиќ и Мерит Хемпе во македонскиот состав со по 15 поени беа најефикасни, додека во составот на Хрватска најпрецизни беа Ана-Марија Бегиќ и Андријана Цвитковиќ двете со по 15 голови.
Во вториот дуел од групата од третото коло играат Данска и Грција.
Македонските кошаркарки следниот натпревар го играат на гостински терен против Данска на 11.март 2026 година.
Фото: www.mkd.basketball
МОЖЕБИ ЌЕ ВЕ ИНТЕРЕСИРА:
