Селекторот на фудбалската репрезентација на Србија, Драган Стојковиќ Пикси го објави списокот на репрезентативци на кои смета за претстојните натпревари во Лигата на нации (ЛН).
На поширокиот список, кој беше објавен на интернет страницата на Фудбалскиот сојуз на Србија (ФСС), се најдоа 29 играчи. Тој ќе биде скратен на 30 август кога ќе биде познат конечниот список на играчит на кои тој смета за натпреварите против Шпанија и Данска.
Дури 11 нови фудбалери добија покани. Тоа се голманите Александар Јовановиќ од Партизан и Марко Илиќ од Црвена звезда. Нови лица во одбраната се Страхиња Ераковиќ, Алекса Терзиќ, Коста Недељковиќ и Јан Карл Симиќ.
Во средниот ред нови, или ново-стари лица се Кристијан Белиќ, Марко Грујиќ, Милан Алексиќ и Стефан Митровиќ. Меѓу напаѓачите ново име е само Михаило Ивановиќ од Војводина. Меѓу играчите што настапија на ЕП го нема капитенот Душан Тадиќ кој и стави крај на репрезентативната кариера.
Ги нема и Вања Милинковиќ-Савиќ, Урош Спајиќ, Срѓан Мијаиловиќ и Филип Младеновиќ, ниту Немања Гудељ и Филип Костиќ, кои најавија дека како Тадиќ ќе се повлечат од репрезентацијата. Го нема ниту Мијат Гаќиновиќ.
Составот на Србија за ЛН:
Голмани: Предраг Рајковиќ, Ѓорѓе Петровиќ, Александар Јовановиќ, Марко Илиќ
Одбрана: Страхиња Павловиќ, Никола Миленковиќ, Срѓан Бабиќ, Милош Вељковиќ, Страхиња Ераковиќ, Немања Стојиќ, Јан Карло Симиќ, Коста Недељковиќ, Алекса Терзиќ
Среден ред: Саша Лукиќ, Иван Илиќ, Немања Максимовиќ, Кристијан Белиќ, Марко Грујиќ, Сергеј Милинковиќ Савиќ, Лазар Самарџиќ, Милан Алексиќ, Андрија Живковиќ, Вељко Бирманчевиќ, Стефан Митровиќ
Напад: Александар Митровиќ, Душан Влаховиќ, Лука Јовиќ, Петар Ратков, Михаило Ивановиќ.